ORANJESTAD (AAN): Fin di aña 2022 ta yegando y den cuadro di esaki Cuerpo Policial Aruba lo bay tin mas control estricto den trafico. Luna di December ta conoci pa ta un luna druk. Hopi chauffeur mobilisando riba nos camindanan publico pa haci nan diligencia pero esaki tambe por trece accidente den trafico of infraccion.
Conhuntamente cu control den trafico lo bay tin mensahenan di prevencion pa
concientiza comunidad. E tema cu Polis lo hiba como campaña ta “Maneha bao influencia tin su consecuencia”.
DIARIO a compronde di Polis, cu loke ta resalta mas den aña 2022 ta chauffeur cu ta maneha bao influencia di alcohol. Polis ta atende cu varios caso sea ta accident fuerte, cu herido y sin herido of chauffeur cu ta core hopi malo riba caminda publico cu ta trece su mes y di otronan na peliger. Tur a causa di maneha bou influencia di alcohol.
E campaña di prevencion a cuminza Diahuebs, y lo sigui den periodo di Carnaval. Conhuntamente cu e control di trafico cu tambe lo worde ehecuta.
Pa motibonan aki lo dirigi campana riba e tema aki cu mensahenan tanto di imagen como video cu mensahenan fuerte di concientisacion prome cu aña 2022 bisa ayo.
Cuerpo Policial ta yama un danki na tur persona di un of otro manera a yuda nos realisa e proyecto di prevencion aki. Danki na Angelou Tromp, Gerardo ‘Bashaka’ Janga, Joanna Croes, Angelo Tromp, Aurora Funeral Home, Liberato Hoek, personal di Ambulans, ImSan, Dr. Horacio Oduber Hospitaal, Charline Huntington, Jessy Tromp, personal di Bombero, Rulyen Martina, Warda di San Nicolas y Balashi, Agente Maduro, Departamento di Planologie, Wendy Geerman, Janine Rodriguez, Dr. Texier, Lito Lacle, Liliana Rasmijn y Hefe di departamento di trafico Maureen Dirks. Un produccion realiza y dirigi pa Roque Angela bao encargo di departamento di comunicacion.
