KIA K3 a dal contra cura di cas na Palisiaweg

ORANJESTAD (AAN): Diamars anochi, pa mas o menos 10:25 p.m., un accidente di trafico a sosode riba Palisiaweg na San Nicolas,

unda un auto di marca Kia K3 a perde control y a dal contra e cura di un cas.

Segun e prome informenan tabatin un persona herida. Ora polis a yega na e lugar, nan a constata cu e impacto tabata bastante fuerte, causando cu e airbag di e vehiculo a activa.

E chauffeur a resulta herida, y mesora agentenan a pidi asistencia di ambulance. Polis di Trafico tambe a yega na e lugar pa investiga e circumstancianan rond di e accidente.

Personal di ambulance a brinda e chauffeur e atencion medico necesario na lugar prome cu el a wordo transporta pa hospital.