ORANJESTAD (AAN): Diaranson a tuma lugar e prome Anochi di informacion na La Salle College na Oranjestad.
Esaki den cuadro pa informa nos hobennan tocante e trabou di polis, proceduranan, ley, aplicacion, estudio policial pero tambe con bo bida ta cambia na momento cu bo ta birando Polis.
E anochi di informacion tabata presenta pa docentenan di Scol pa Polis E.J. Watty Vos cu a duna diferente informacion na un klas completamente yena cu hobennan interesa.
Despues di esaki a haya un demostracion di unidad canino y motorisa di Cuerpo Policial Aruba. Un anochi cu nos ta satisfecho di mira un bon acogida na Oranjestad.
Diahuebs anochi nan tabatey presente un biaha mas na Abraham de Veer School na San Nicolas cuminsando pa 6:30 di anochi.
KPA ta invita tur hoben pa haya tur informacion of tambe haci e preguntanan necesario pa asina den futuro bo ta bon prepara pa aplica y sirbi bo Pais!
