Honda a dal den Tercel riba Watty Vos Boulevard lagando basta daño material

ORANJESTAD (AAN): Diabierna durante oranan di merdia, despues di 12:30, polis mester a cera e rotonde di Ponton, direccion Bushiri debi na un accidente cu a sosode.

            E accidente a tuma luga un tiki mas leu riba e boulevard. Prome cu un rato, un Toyota Tercel a enfrenta problema cu un di su tire.

             Despues di algun rato, un Honda CRV tabata acercando y aparentemente no a nota e situacion cu e Tercel na e momento. E chauffeur femenino di e Honda a intenta maniobra pa evita un colision, pero no a logra haci esaki. Su auto, e Honda, a dal contra e Tercel y despues a bay dal contra e blokinan cu ta separa e boulevard, causando un cantidad considerabel di daño material.

            Varios unidad di Ambulans a bini na sitio pa atende ambos ocupantenan di e vehiculonan envolvi. Polis di trafico tambe a acudi y un ekipo encarga cu WVB a presenta pa yuda kita e blokinan cu ta dividi e caminda. E daño material ta wordo considera hopi.