ORANJESTAD (AAN): Cuerpo Policial a laga sa cu en conexion cu e caso di asesinato cu a tuma lugar diaranson 7 juli 2021 dilanti American Bar, Recherche di San Nicolas (DAR3) a detene 1 hende homber di inicialnan D.D.A. naci na Aruba di 22 aña.
E sospechoso aki a wordo deteni ariba caya den su auto na altura di Marinierskazerne.
Mester bisa cu e persona deteni ta wordo considera sumamente peligroso y ta pesey a hasi uso di e team di aresto.
Pa Cuerpo Policial por resolve mas caso cooperacion y informacion di pueblo di Aruba ta hopi importante, pesey ta pidi si bo tin cualkier informacion yama tiplijn: 11141. KPA ta garantisa cu bo ta keda anonimo.
