ORANJESTAD (AAN): Famianan ta pidiendo yudansa, pa yuda nan busca nan familiar stima, Julio “Buchi” Dirksz cu ta perdi y famia no sa su paradero.
Ta calcula cu Buchi lo a sali entre dialuna anochi pa diamars mainta for di su cas na Shete y te na e momentonan aki no a bolbe cas y famianan ta preocupa y no sa di su paradero.
Buchi tin 77 aña di edad, e ta midi mas o menos 1.60, su cabey ta shinishi, e ta un persona di postura flaco.
Dialuna ultimo el a sali for di hospital, e ultimo biaha cu famia a mir’e tabata dialuna banda di 6’or y mey atardi.
Diamars mainta a bay na e cas pa dune su cuminda y su pilder y Buchi no tabata na cas. Na prome instante a kere cu Buchi lo a sali cu un otro familiar, pero den oranan di atardi a bin constata cu esaki no tabata e caso. Buchi no ta un persona cu por cana distancia largo.
Famia ta pensa cu kisas la sali di dialuna anochi caba for di su cas. Buchi ta un persona hopi delicado di salud y e mester tuma su remedinan. Famianan ta hopi preocupa y ta spera cu e ayudo y buskeda nan cu ta tumando luga caba di parti di polis, helicopter, cachonan, parkrangers, famianan, conocirnan cu Buchi por wordo haya mas pronto posibel.
Si un persona sa algo di su paradero of por a mire, por fabor tuma contacto mesora cu: Polis 100, Rufina Vrolijk na 5942711 of Tony Dirksz na 5942561.
