Caso serio Dialuna anochi
ORANJESTAD (AAN): Dialuna anochi trempan pa 6:35 pm, un unidad di Polis di San Nicolas a ser manda na un area di Pos Chikito, como cu hendenan a tende varios tiro.
Ora cu Polis a yega eynan, a papia cu e señora di inicial R.
E señora di inicial R. a declara cu banda di 6:30 pm e tabata pafo di su cas hunto cu su yiu homber. E tabata papiando cu su bisiña, y diripiente nan a tende un auto pasa eybanda y esey a hala su atencion.
Despues di esey el a mira un auto Nissan March color blanco cu tinted windows ta yegando cerca.
Mas leu, e chauffeur di e auto aki a core poco-poco dilanti su cas. Ora cu e auto a yega un tiki mas leu, el a mira con e chauffeur e momento ey a saca un arma di candela di su vehiculo, y a dirigi esaki riba dje.
El a reacciona mesora, y a core bay paden hunto cu su yiu homber.
Despues di esey, e señora a tende 4 tiro cu a wordo dispara den su direccion.
Polis a tuma e caso aki hopi na serio, y a core pidi presencia di Recherche y tambe personal forensico di BFTO pa asina haci un investigacion.
Central di Polis a wordo informa di loke a pasa, y mesora a pone tur esaki den computer.
