ORANJESTAD (AAN): Na Betonicastraat, na Pos Chikito, Diabierna anochi rond'i 8:45 polis y ambulance a bay cu urgencia pa un caso di tiramento.
Unidadnan a topa cu un hoben di 22 aña cu un herida di bala na pia.
Segun su version, e tabata e momento ey den un hanchi di tera y dos auto a yega. Un of mas individuo a baha for di auto y tira.
Polis a haya un total di 5 huls. Mesora e area a wordo cera pa cuminsa investigacion.
Pa locual ta e hoben el a wordo transporta pa Hospital cu Ambulance den condicion stabil.
