ORANJESTAD (AAN): Dialuna atardi pa mas o menos 6:20 personal di ImSan a notifica central di polis cu un mucha homber di 15 aña a yega cu herida di bala den su man.
Di biaha Central a despacha patruya di polis pa ImSan. Recherche y slachtoffferhulp tambe a wordo poni na altura. Recherche a cuminsa cu su investigacion pa sa na kico exactamente a tuma lugar y na unda. Segun informacion di polis, e hoben a wordo transporta pa hospital y su condicion ta stabil.
Cuerpo policial a haci un apelacion na esnan cu sa algo of por a wak algo pa yama e tiplijn di polis 11141. Tur tip ta keda anonimo.
