Grupo di docente di Scol di Polis awo ta certifica pa duna 'rijopleiding'

Despues di a sigui curso na Miami

ORANJESTAD (AAN):  Recientemente un grupo di docente di Scol di Polis E.J. Watty Vos a sigui un curso avansa di “Rijopleiding” na Miami.  Esaki tabata den cuadro di bon cooperacion cu lasonan internacional pero tambe cu college van Korpchef den region cu den conhunto tin diferente proyecto andando y a dicidi di manda personal di cada Cuerpo pa cu e curso aki. 

E curso mes ta dedica specialmente pa polis. Esak ta encera maneha un vehiculo policial den un caso di emergencia pero con tambe bo tin cu maniobra cu esaki mas avansa y mucho mas. 

Miami-Dade Police Departament tabata encarga pa siña e cursistanan e tacticanan  pa asina nan por duna les na e polisnan di Aruba. 

“Sigui inverti den nos coleganan ta un prioridad pero mas ainda e colaboracion entre tur e Cuerponan den region y internacional ta bira mas fuerte cu por haci mas y por bin cu mas curso pa asina e agentenan por ta mas miho prepara pa nan trabou di polis.” Tabata palabra di altocomisario di polis drs. Ramon Arnhem den cuadro di e curso aki. E a  keda sumamente contento di mira tres colega ricibi nan diploma na Miami como tambe den presencia di Sra. Irma Gordon, Comisario di Polis kende a bay duna sosten na e personal y agente di polis cu a awor ta certifica pa por duna training na Aruba mes y den cas!