Grupo di 25 Polis a wordo re-certifica pa sub-Fiscal

ORANJESTAD (AAN): Recientemente a tuma lugar un curso di re-certificacion pa e sub-Fiscalnan (fiscal auxiliar) di Cuerpo Policial Aruba na John F. Kennedy Education Center.

   Un total di 25 sub fiscal a haya un dia di informacion cu diferente orador, entre otro Huez Comisario, Fiscal, Conseho di Abogado y tambe docente di Universidad di Aruba. A toca diferente temanan importante cu ta toca e tarea diario di un sub-Fiscal. Mara na ley y procedimento como tambe buki di codigo di procedimento cu tambe ta importante pa e decisionnan cu mester wordo tuma.

   Na final di dia un total di 25 oficial di Polis cu a atende e curso a termina esaki cu exito. Cuerpo Policial Aruba ta keda inverti den diferente cursonan of opleiding pa asina fortifica e conocimento di nan personal den Cuerpo Policial Aruba.