Cuerpo Policial ta informa
ORANJESTAD (AAN): Diabierna den oranan di mainta, en conexion cu un investigacion andando, DAR-3 (Recherche San Nicolas) a haci un entrada hudicial na un cas na Brasil.
Na e cas, agentenan a detene e homber di inicialnan R.D. naci na Suriname di 31 aña di edad, y tambe a confisca un arma di candela y municion.
Mirando embergadura di e caso a hasi uzo di e team di aresto.
Cuerpo Policial ta urgi comunidad pa sigui coopera y asina nan por resolve mas caso mas lihe posibel. Informacion di pueblo di Aruba ta hopi importante. Pesey nan ta pidi si bo tin cualkier informacion yama na tiplijn di Polis cu ta: 11141. Nan ta garantisa cu bo ta keda anonimo!
