ORANJESTAD (AAN): E confirmacion a bin for di Polis mes! Ta asina cu despues di un investigacion di mas o menos dos aña dirigi riba traficacion di hende,
Recherchenan di Unit Mensenhandel-Mensensmokkel a detene dos persona riba Dialuna 13 di Maart, y tambe Diamars 14 di maart.
Vocero di polis Liliana Rasmijn, a indica na DIARIO cu e personanan cu a keda deteni ta e muher di inicial D.E.J. naci na Colombia. Tambe un hende homber di inicial R.J.D. naci na Aruba.
Den caso aki, segun Rasmijn, e ta trata di traficacion den forma di explotacion laboral di un persona procedente di Colombia.
E investigacion ta continua y no por descarta cu mas detencion lo por tuma lugar.
E departamento di recherche Unit Mensenhandel-Mensensmokkel ta consisti di Recherche nan di Cuerpo Policial Aruba y Koninklijke Marechaussee.
