Minister Rocco Tjon: --- ORANJESTAD (AAN): Tin desaroyonan positivo pa loke ta operacion y maneho den Cuerpo Policial, caminda ta bay introduci un Alto Comisario nobo.
Den cuadro di esaki, DIARIO a puntra Minister di Salud, Rocco Tjon durante un conferencia di prensa con ta para cu e parti di infrastructura di e edificionan di Polis.
Minister Tjon a laga sa cu a wordo anuncia cu ta bay tin un mudamento di diferente departamento cu ta resorta bao Ministerio di husticia na e edificio di ex Codemsa.
E motibo pa esaki ta cu ta bay consolida e diferente huurnan cu tin y yega na condicionnan di trabao mucho mas mihor pa e personal, a splica.
Ta bay tin un edificio nobo caminda tur e diferente departamento di Cuerpo Policial lo bay traha for di dje.
Den presupuesto, tambe ta tene cuenta cu e parti di mantencion pa loke ta e otro wardanan di polis.
Minister Rocco Tjon a remarca cu pa loke ta e warda di Shaba y Santa Cruz, nan ta edificionan cu ta den bon condicion y e mantencion ta tuma lugar.
