ORANJESTAD (AAN): Awe Aruba a conoce e di 7 morto den trafico. Ta trata akinan di un mucha muhe basta jong di apenas 17 aña di edad.
El a fayece den un accidente di trafico ora cu e auto unda e tabata sinta como pasahero a accidente den un bocht den e area di Tierra del Sol. Un caso sigur basta lamentabel ya cu por a constata cu ta trata di un caso caminda tabata tin dos hoben envolvi y un di nan a bin ta fayece tragicamente
Sinembargo, ta haya atencion cu e siman aki, un otro persona, tambe di nacionalidad dominicano a fayece na Tarabana, Dakota, victima di agresion durante un pelea. E persona aki a haya un golpi na su cabes cu un obheto y esaki tabata suficiente pa ocasiona su morto.
Den menos di un siman, dos persona di mesun nacionalidad a bin ta fayece aki na Aruba den circunstancianan menos desea.
E incidentenan aki ta mustra un situacion tristo y preocupante pa nos comunidad. Cada bida perdi den trafico of den violencia ta un golpi duro pa un famia. Mester para keto un rato y pensa riba e impacto di e tipo di sucesonan aki. Ta importante cu comunidad tuma mas responsabilidad pa evita cu e tipo di tragedia aki no sigui sososde.
Pa e hendenan hoben ta crucial pa ora di stuur ta atento den trafico. Si bo ta un pasahero, wak bon cu e chauffeur ta stuur responsablemente y sin distraccion. Pase den un accidente ta un problema cu por afecta no solamente abo, pero tambe bo famia y comunidad.
Comunidad en general mester traha hunto pa preveni violencia y cuida e manera di comunica y di resolve conflicto. E suceso na Tarabana ta un recordatorio doloroso cu violencia no ta soluciona nada; na lugar di esaki, ta destrui bida y ta trece dolo den comunidad.
Cada bida ta valioso y tin cu haci e esfuerzo pa cuida nos mes y otro.
{gallery}Den menos di un siman, dos persona di nacionalidad dominicano a fayece den circunstancianan fatal{/gallery}
