Liliana Rasmijn, Relacionista Publico di KPA:
ORANJESTAD (AAN)—Den entrevista cu Matutino DIARIO, Liliana Rasmijn, PR di Cuerpo Policial, a bisa cu di parti di KPA nan ta cla pa e prome parada di carnaval cu ta dia 3 di Januari proximo.
“E Distrito di Playa ta cla y e draai boek ta traha caba, unda cu e cantidad di personanan cu ta bay forma cada grupo esey nos mester, p’asina nos por caba di drecha e ultimo partinan cu e draai boek, pasobra na e cantidad di hende ta e cantidad di personal cu nos ta bay pone riba pia. Pero no ta KPA so, pero tambe nos amigonan di CEA cu ta bin cu nan bus di ambiente si bo no comporta, y e reglanan ta keda mesun cos” Liliana Rasmijn a señala.
