Ciclista a kere eroneamente cu e tin preferencia ora di cruza zebrapad

ORANJESTAD (AAN): E zebrapad abao riba caminda no ta un instrumento pa duna abo como peaton of un ciclista, preferencia riba trafico di motor!  Corda cu keto bay trafico di motor tin preferencia.

   Pero un confusion cerca un ciclista na e rotonde di Green Corridor na altura di Balashi a pone kere cu e mag di cruza caya ki ora cu ta riba e zebrapad.  El a subi e zebrapad siendo cu tabatin un Isuzu Pickup preto ta yegando.

   Consecuencia di esaki ta cu e pickup no por a reacciona mas y a dal e ciclista.  Pa puro suerte, un oficial di Servicio di Ambulans cu tabta aeynan cu vehiculo di Rapid Responder a mira e accident socede, y inmediatamente a ofrece yudanza, y alavez pidi pa Polis y Ambulans.

   Inmediatamente unidad di Polis a ser manda eynan pa asina tuma detaye di e accident, y bolbe splica e ciclista cu e Zebrapad no ta un linea cu ta duna nan preferencia riba autonan.

   Ambulans a yega y paramediconan a atende e ciclista cu su heridanan.  Polis a tuma tur nota di loke a pasa.