ORANJESTAD (AAN): Diadomingo marduga, alrededor di 1 am, dos ladron a purba horta den clinica di bestia, Animal Health Veterinary Hospital.
Segun informacion di e doño di e clinica, e antisocialnan no a logra bay cu nada, pero nan camara di seguridad si a capta e persona nan aki. El a indica cu nan a informa polis y Atraco team pa asina nan por tuma nota di kico ta pasando den e area di Eagle Beach.
Ta hopi importante pa tene na cuenta cu esaki ta un zona turistico, cu tin no solamente hotelnan low-rise como tambe, algun Airbnb y tambe zona comercial.
