Autoridad a listra varios hende Pariba di Brug y detene 4 persona

A confisca cantidad di droga y placa

ORANJESTAD (AAN): Diasabra atardi te cu diadomingo madruga polis di San Nicolaas a tene un listramento preventivo den diferente zonanan asigna pariba di brug.

    Vocero Policial a confirma, cu e unidadnan di Polis aki Pariba di Brug a listra un total di 90 hende y listra 31 auto.

    Durante e listramento preventivo a haci 4 detencion. Esaki ta relaciona cu arma blanco (cuchiu), cantidad di droga (cocaina y marihuana), y tambe hopi placa cash.

   Polis ta keda enfoca riba e siguridad y lo sigui cu accion di control.

   Cuerpo Policial Aruba ta keda recorda comunidad cu sa algo of a wak algo pa yama e tipline di Polis na 111-41, y corda cu nan ta garantiza cu bo ta keda anonimo.