ORANJESTAD (AAN): Diadomingo marduga algo pasa di 4:00 am, informe a drenta na Polis cu riba caminda di Noord pa Palm Beach, na altura di Lekker Bar & Restaurant, un auto a dal un peaton.
Polis di Noord mesora a ser manda pa e lugar, y Centro di Alarma a ser poni na altura pa manda un Ambulans.
Na yegada di e prome unidad di Polis, nan a topa e peaton masculino hoben boca abao, y por a mira cu e tabatin basta golpi na su cabez, y tabata sangra di heridanan.
Como cu e tabata sangra profusamente, a pidi pa Ambulans yega cu mas rapidez.
Chauffeur di e Chevrolet tambe tabatey y a duna su declaracion na Polis. A base di observacionnan, Polis a detene e chauffeur y cu vehiculo di transporte el a wordo hiba Warda di Polis.
E vehiculo envolvi a worde confisca. E victima a ser hiba rumbo Hospital.
