Auto a bolter y dal cura di cas den Diamantbergweg

ORANJESTAD (AAN): Tabata den e anochi di Diadomingo pa Dialuna, algo prome cu mey anochi cu Central di Polis a

manda un patruya di San Nicolas rumbo pa Diamantbergweg den area di Kustbatterij pa check un auto cu a bolter.

   Polis a yega net na e T-weg cu Grote Bergweg y ta mira un auto sedan Suzuki SX4 cu hopi daño material.  E chauffeur a wordo haya abao riba caminda.  E impacto tabata fuerte, como cu hasta un front-strut y wiel dilanti a kita completamente.

   A resulta cu e Suzuki a bolter y a dal contra un cura di cas tambe, y debi na esey e chauffeur a wordo saca for di e auto.  Polisnan a pidi pa Ambulance yega cu urgencia pa atende e caso.  ImSan a manda 2 ambulance na e lugar di accident.

   Paramediconan mesora a atende cu e chauffeur herida, pa asina stabiliza e persona, y despues a sali direccion Servicio di Emergencia.

   Agentenan na e lugar a pidi pa Polis di Trafico pa asina traha rapport di e accident fuerte aki.