ORANJESTAD (AAN): Diadomingo marduga pa 2:35 am a presenta na Warda di Polis na Santa Cruz e ciudadano di inicial B., pa pidi asistencia di autoridad.
El a bisa cu den oranan di anochi el a bira victima di atraco. El a bisa cu
entre 1:30 y 2:30 am di Diadomingo, e tabata canando cerca di e entrada di Veld di Sportboys na Angochi, ora cu el a mira un homber desconoci pe.
E homber aki tabata yegando den su direccion na careda y un bate di baseball den su man. El a yega cerca y cu e bate el a dal y heride na varios ocasion.
Esaki a pone cu el a cay na suela, y a keda wordo maltrata door di e homber cu e bate di baseball aki contra su cabez, curpa, y pianan. Asina e homber a logra kita e Smartphone di dje, y a pasa man pa un placa di papel di 50 Florin tambe.
E victima cu basta golpi a cana bay te na su cas n Angoshi, y door di conocir a ser hiba pa Servicio di Emergencia. Polis mes no a wordo yama pa bay na e lugar di sucedido. Te despues di a haya yudanza medico, despues nan a bin pone Polis na altura.
Awor a pone Recherche na altura di e caso aki.
Siguiente biaha, mihor yama Polis mesora pa casonan di atraco.
