ORANJESTAD (AAN): Diadomingo marduga pa 5:45 am, un unidad di Polis di San Nicolas a wordo manda na Aruba Ocean Villas na Savaneta pa un atraco.
Ora cu Polis a yega eynan, a papia cu un security guard di e Hotel. El a bisa cu e a bin atrapa un sospechoso den e Bar di e Hotel. Security a djis mira e homber, como cu e cara tabata completamente tapa. E homber tin un camisa maron manga largo, pues no por a mira su color di cuero.
E sospechoso a menaza e security cu un Arma di Candela, y despues a bise cu e lo bay tire. E security a mira un arma di candela color preto.
Ademas e sospechoso a reboltea algun cos den e Bar, y a bay cu algun boter di alcohol. El a sali pafo y cana bay direccion pariba.
Polis a haci e lugar di robo safe, y despues a bay controla e area pero no a haya nada.
A nota cu e negoshi tin Security Cameras, pues a pidi presencia di Atraco Team y tambe personal di BFTO pa haci investigacion forensico.
