A detene sospechoso
ORANJESTAD (AAN): Diahuebs algo prome cu merdia, a bati alarma na Aruba Marriott Resort & Stellaris Casino pa un atraco na e joyeria Colombian Emeralds.
Akinan e sospechoso tabata un homber cu tabata papia Papiamento kende a drenta den e localidad y den forma agresivo a coy varios joya y core bay cu nan.
Segun informe, e homber a sali na careda subi un auto Toyota y bandona e sitio.
Di e forma ey a bati alarma na autoridad y un buskeda a inicia pa e criminal aki. Tur cos ta mustra mas o menos un ora despues, den Noord, na Kamay, Polis a bin topa cu e auto sospechoso y tambe a detene un homber di fam S.J ya cu parce e tabata cuadra cu e descripcion suministra na autoridad.
E auto como parti di e investigacion a wordo confisca. Un investigacion ta tumando lugar.
