Aruba tabata e centro di atencion pa War Room 2.0

Organizacion hudicial di Reino tabata na Aruba

ORANJESTAD (AAN): Den e siman di 10 te cu 14 November 2025 a traha hunto cu specialistanan di informacion, analista y recherchenan di diferente islanan den Caribe y Hulanda pa loke ta e combatimento di criminalidad cu arma di candela. E team specialisa aki ta hiba e nomber di “War Room” edicion 2.0.

   Den e siman intensivo a pone enfasis riba analisis di a patronchi interinsular den transporte, negoshi, posicion y uzo di arma di candela.

  War Room 2.0 a conta cu participacion di diferente organizacion Hudicial riba nivel halto den Reino Hulandes manera; E cinco Cuerpo Policial den Reino Hulandes (KPA, KPC, KPCN, KPSM, POLITIE) , RST (Recherchesamenwerkingsteam), Koninklijke Marechaussee y Kustwacht Caribisch Gebied.

   Personal di Ministerio Publico tambe a forma parti di e team grandi aki.  Na VNO tabata e conferencia y su Minister di Husticia dr. sr.Arthur Dowers hunto cu altocomisario sr. Ramon Arnhem a hiba palabra.

   E War Room 2.0 ta ilustra con e colaboracion di diferente isla y Pais ta percura pa no keda den palabracion pero ta actua y ta haci trabao di esaki pa asina combati e criminalidad pa cu uzo di arma di candela den henter Reino Hulandes.

   Pa otro aña ta trahando caba riba e edicion nobo hunto cu Caricom Impacs pa expande e colaboracion regional.