Arma di candela confisca y varios detencion rond di Aruba

ORANJESTAD (AAN):  Cuerpo Policial a informa cu Diabierna anochi durante un control preventivo,  polisnan di San Nicolas a para un auto den Rembrandtstraat.

            Durante e control polisnan a bin topa cu un arma di candela.  Di biaha a bay na detencion di un hende homber. E auto y arma di candela a wordo  confisca pa mas investigacion.

            Polisnan den diferente districto   a haci varios detencion.  Entre otro pa maneha auto bao influencia di alcohol, a confisca diferente auto pa no tin e documentonan necesario.

            A confisca droga y tambe a detene personanan indocumenta durante control di trafico . E personanan aki a wordo pasa pa personal di Guarda Nos Costa.

            Durante e  anochi tambe a controla establecimentonan como tambe a para varios auto pa control y a reparti multa durante e anochi.

            E accion di control di trafico y como tambe listramento preventivo pa cu arma di candela y/of droga lo continua.