ACTPOL ta bay yuda pa ta mas prepara ora di bay duna asistencia

Alto Comisario suplente Irma Gordon: --- ORANJESTAD (AAN): Cu introduccion di e asina yama ACTPOL app, agentenan policial por traha na un manera mas eficiente y safe.

Durante un conferencia di prensa, Cleotis Chong di e compania ACTS a duna un splicacion riba con e app ta funciona, despues cu oficialmente el a haci entrega di e celularnan na minister di Husticia Rocco Tjon.

“E app tin e funcion di busca informacion riba persona, auto y boto”.

Tambe ta asina cu ora cu nan ta na un asistencia, nan por cambia e adres, drech'e y cambia e incidente, pa asina tin un conexion digital cu meld kamer, segun Chong.

Alto Comisario suplente Irma Gordon tambe a hiba palabra.

El a indica cu e proyecto aki ta uno inovativo cu KPA ta ocupa cune, mirando cu Cuerpo Policial di Aruba tin contacto tambe cu e otro cuerponan policial den Caribe.

“Esaki ta un sistema cu ta bay yuda nos den futuro pa nos ta mas prepara ora cu nos bay duna asistencia”.

E ta yuda e coleganan pa nan sa kico nan por verwacht ora cu nan bay un lugar y tambe e ta un sistema cu dentro di algun luna nos lo upgrade mas, pa nos por ta mas informa y mihor cu nos ta na e momentonan aki, segun Gordon.