Accident na Savaneta cu motorcycle a produci dos herido

ORANJESTAD (AAN): Tabata Diadomingo anochi aldrededor di 7:00 pm, a registra un accident di trafico riba caminda principal di Savaneta pa San Nicolas, na altura di e Aruba Bank Drive-Thru Park na Savaneta.

   Polis di San Nicolas a yega na e lugar di accident, a nota cu ta trata di un choke entre un auto sedan y un motorcycle.  E motorcycle tabata coriendo riba e caminda principal, y inespera un Nissan Versa color shinishi a sali for di caminda banda pazuid pa cruza bay nort, sin duna preferencia.

   Tanto e manehador di e motorcycle y un pasahero a resulta herida.  Mesora a pidi pa Ambulance yega cu maximo esfuerzo.

   E dos hendenan herida a dal cu nan curpa contra e auto Nissan, y a ricibi diferente herido.  En total dos Ambulance a yega eynan y mesora paramediconan a atende.  Un di e heridonan ta femenino.

   Polisnan a cera e caminda, pa asina Specialista di Trafico di Polis por a haci e trabao di investigacion.