Accident marduga riba Avenida Nelson O. Oduber

ORANJESTAD (AAN): Den oranan di marduga, riba Avenida Nelson O. Oduber, rond di 1'or, Polis a wordo manda pa un auto cu lo a bolter.

            Polis a topa cu un auto Nissan modelo Sentra color blanco cu tabata ariba e caminda banda pabou direccion Playa. Ora polis a yega a haya e Sentra cu e chauffeur den dje pero e auto no tabata gebolter.

            E agentenan a papia na e luga cu e chauffeur. A pidi ambulance p'e. No tabatin claridad kico a conduci cu e auto a kita for di caminda.

            Paramediconan a controla e chauffeur y tur cos tabata mustra ok.