Accident fuerte entre auto y motorcycle na Ponton

ORANJESTAD (AAN): Diamars anochi autoridad a haya informacion, cu riba e caminda di Playa pa Noord, pariba di Ponton Service Station un accident a caba di socede, y cu tin un motorcycle envolvi.

   Mesora un patruya di Playa, y tambe mesora a notifica Centro di Alarma pa manda un unidad di Ambulance.  Esey ta debi cu mas hende a keda yama y informa cu ta trata di un impacto duro.

   Testigonan a bisa cu e accident ora cu e motorcycle tabata pasando, of ta pasando un auto, y a hay’e envolvi den un dalmento cu por a resulta hopi mas serio pe.  Despues di e impacto, e motociclista a keda parcialmente bao di e auto sedan Nissan Sentra.

   E prome unidad di Polis cu a yega, a nota cu e impacto entre motorcycle y e auto ta duro, como cu e parti drechi di e auto a keda basta kibra.

   Den e impacto, e motorcycle mes a keda lastra varios meter bay nort, y stop riba acera banda pariba di caminda, cerca di un cura di cas.

   Ambulance cu a yega na e lugar, a core baha y Paramediconan mesora a atende cu e motociclista. E caminda mester a wordo cera, debi cu e auto a kibra di un manera cu e nor core mas.  E chauffeur di e auto a sali ileso.

   Na final, Takelwagen tabata necesario pa kita e auto di e caminda.