Accident den area di Eagle a produci un dama herida

ORANJESTAD (AAN): Tabata Diasabra anochi cu tanto Polis y tambe Ambulance a wordo manda riba e cruzada

cu tin net pazuid di Eagle Aruba Resort, pues pabao di Avenida Nelson Oduber pa un accident.

   Ambulance su presencia tabata rekeri debi cu un persona ta herida.

   E accident ta net na e cruzada, y tabata un choke entre un auto Toyota Yaris nobo color blanco, y un SUV topo Nissan Murano color scur.

   E chauffeur femenino di e Toyota Yaris a resulta herida.  Paramediconan a core atende, y despues a haya necesario pa bay cu ne Hospital.

   Polis a papia cu e chauffeur di e Nissan Murano, kende a splica cu e Toyota Yaris a subi caminda di nort cu velocidad halto y dal contra nan.  Golpi na e Toyota Yaris ta na e parti dilanti, y e daño na e Nissan Murano ta na e banda drechi di e vehiculo.  Un pasahero den e Nissan cu tabata rumbo pa trabao eybanda, tambe a haya golpi leve den su cara.

   Polis di trafico y tambe e seguro nan corespondiente tabata necesario na e lugar di accident.