Anwizienne Geerman eligi como Reina di Filomena College MAVO

ORANJESTAD (AAN): Recientemente Filomena College Mavo na San Nicolas a eligi su representantenan di Carnaval 70.

Publico por a vota online pa saca esunnan cu lo representa e scol den e paradanan escolar di Carnaval 70.

   Entre otro cada participante por a traha un video cu su mensahe p’e hubentud di San Nicolas y Aruba henter pa Carnaval 2024.

   MC tabata meneer Addonsito y e resultado tabata como lo siguiente.

   Princesita a bira Manon Kraaikamp (klas 1A).  Como Reina a sali eligi Anwizienne Geerman (klas 2C)

   Prins “Den” y Pancho “Ambiente” tabata Keondre Harrigan y Jaydrick Panneflek.

   For di directorado di Filomena College Mavo, cada un a ricibi un regalo y tur mucha presente a scucha cu e scol lo ta activo participando cu nan representantenan den Carnaval 71 den 2025.