ORANJESTAD (AAN): Diabierna awo, na Corte di Prome Instancia lo tuma luga e prome audiencia den e investigacion penal Caret.
E investigacion aki ta trata di e incidente di tiramento di 9 di februari 2025 den cual señor A.C. Lanoy a bin fayece. Dos agente di polis (señor V. y señor D.) a wordo califica como sospechoso.
E sesion di diabierna ta un audiencia preliminar di caracter procedural. E contenido di e caso lo no keda trata ainda. Diabierna aki lo papia di e pregunta si mester haci investigacion adicional. Ademas, den coordinacion cu tur partido – incluyendo e sobrevivientenan di señor Lanoy – lo verifica cuanto tempo mester pa trata e contenido di e caso.
Despues di e audiencia preliminar lo planifica e tratamento di e contenido di e caso mas pronto posibel. Den e marco ey, Corte ta depende di e posibel necesidad di haci mas investigacion, e disponibilidad di e partidonan y e capacidad di e edificio di Corte. Ta anticipa cu lo trata e contenido di e caso otro primavera.
