ORANJESTAD (AAN): Manera cu DIARIO a trece informacion caba dilanti, Ministerio Publico awor a confirma oficialmente
cu e siman aki Landsrecherche a detene e homber Freddy Every como sospechoso den caso Avestruz.
For di comienzo cu Ministerio Publico a start cu e investigacion y tabatin mester di interoga hende, nan a detene un total te cu Diahuebs atardi, un total di ocho sospechoso.
Segun Ministerio Publico, recien uno di nan, esta Leoncita Arends (ex-locutora di emisora) a haya un ordo pa keda deteni (‘gevangenhouding’) por lo pronto den Prison di KIA.
E otro persona cu tambe ainda ta deteni pa interogacion ta Franklyn Abath (ex-hefe di DIP y Domeinbeheer).
Na comienzo di e siman aki a detene Freddy Every, y riba Diaranson 12 di Mei, Huez Comisario a duna ordo pa su detencion wordo prolonga.
