ORANJESTAD (AAN): Un di e weganan di mas popular di Lotto keto bay ta Zodiac.
Aki bo ta escoge un number consistiendo di cuatro cifra, y bo ta agrega un signo zodiacal na dje, y ya bo ta den wega.
Esey ta loke Zulaika a haci tambe recien, y el a gana! Pesey riba Diamars el a presenta na oficina di Lotto na Playa pa reclama su premio.
Despues di a check tur cos bon, trahadornan a scan e barcode di e ticket den e computer, y esaki a confirma mesora cu el a gana 60.000 Florin total cu wega di Zodiac Merdia.
Inmediatamente a cuminza cu e proceso pa transferi su premio electronicamente pa su cuenta di banco. Zulaika a indica cu e ticket ganador mes el a cumpra na Compleet Lottery.
