ORANJESTAD (AAN): Cu apoyo di CEDE Aruba y Super Food Plaza Cares Program FCFPP ta organiza 2 camp na unda lo tin posibilidad pa ofrece un special price na mayornan cu no por paga e suma rekeri.
E prome Camp ta: 19-23 Juli, y di dos Camp 2-6 Augustus 2021. E ta pa esnan di edad: 5-11 aña, y horario ta di 7:30 am - 2:00 pm.
Cada Camp lo tin un programa educativo y creative basa riba e edad di e mucha. Nan lo haya conocemento musical den un forma educativo. Musica ta yuda un mucha concentra y lo yude den su desaroyo na scol. E muchanan lo haci varios actividad entre otro lo tin workshopnan na nivel di mucha. arte, crafting, science, brain cracker y sport.
E camp ta inclui tur materialnan musical, arte, deporte, un salida di bustrip, desayuno, lunch, juice, fruta, premionan pa e muchanan cu destaca. Nos lidernan di camp ta docentenan di scol primario y di musica y mayornan (mama). E muchanan ta sera amistad cu otro, den un ambiente sano y familiar.
