Zr.Ms. Holland ta haci dos redada grandi di droga riba un solo anochi

ORANJESTAD (AAN): E barco di Marina Hulandes, esta Zr.Ms. Holland durante e anochi di Diahuebs 10 pa Diadomingo 11 di Juni a intercepta dos transporte grandi di droga.

   Den Lama Caribe e barco di patruya pa Region Caribe, den un tempo cortico a logra obliga un asina yama speedboat tipo Go-fast pa stop.

   Tur dos intercepcion di droga a tuma lugar apenas un par di ora despues di otro. Durante e prome persecucion e dos speedboatnan Zr.Ms. Holland, e asina yama FRISC, a wordo desplega. Segun procedimentonan, nan a keda duna ordo na e Go-fast pa e stop.  Despues di prome tironan di advertencia, porfin e boto a stop, despues di a ricibi tironan dirigi riba e motornan outboard.

   Cerca e tres personanan abordo a bin haya un arma di candela semi-automatico. Tambe a confisca mas cu 700 kilo di cocaina. Un gran parti di esaki net prome cu e intersepcion ya caba nan a cuminza tira nan den lama for di e Go-fast, pero nan a keda drief.  Despues e oficialnan abordo di e FRISC a pasa pisca tur bek for di lama.

   Di e tres personanan abordo, dos tin e nacionalidad Dominicano y uno ta di nacionalidad Colombiano.

   Otro golpi: Un poco rato despues cu nan a gara e mas di 700 kilo di cocaina den e Go-Fast, ora mainta tabata habri a detecta un otro speedboat tipo Go-fast moviendo riba Lama Caribe.

   E biaha aki, e Go-fast aki si a ignora diferente ordo pa stop y un biaha mas a los tironan di advertencia. Finalmente ta e helicopter marítimo NH90 tabata obliga pa laga nan francotirador tira dirigi riba e motornan outboard.

   Despues di esaki Zr.Ms. Holland pa medio di su dos FRISC-nan cu tabatin abordo un team combina di US Coast Guard y Cuerpo di Marina, a detene e personanan cu tabata riba e Go-fast y saca e droga cu nan tambe a tira den lama.  E di dos grupo aki tabatin 585 kilo di cocaina abordo.

   E tres personanan di e di dos boto tur tabatin nacionalidad Venezolano. Pa motibonan di seguridad a disidí di tuma e sospechosonan a bordo. E sospechosonan di e contrabanda mas despues a keda traspasa pa un barco di US Coast Guard.

   Tarea Constitucional: Zr.Ms. Holland ta activo como Barco di Patruya pa Region Caribe desde meymey di 2021 den e region. E barco di Marina ta bon ekipa pa operashonnan anti-droga. E mantenshon di e orden legal internacional ta un di e tareanan Constitucional di Defensa.