Zap! Zap! Zzziennng Video promocional di Festival di Buki pa Mucha 2025

Procucion di Señor Edward Silberie y Raifer Pion di Reclight:

ORANJESTAD (AAN): Aventura na granel lo bay tin durante Festival di Buki pa Mucha 2025 cu lo cuminsa dia 2 di November proximo. Esaki tambe lo ta e tema di e festival di buki organisa pa di 33 biaha pa Biblioteca Nacional Aruba. Un tema cu ta priminti hopi diberticion, creatividad y inspiracion pa tur mucha.

   Recientemente, Biblioteca Nacional Aruba a lansa e video promocional pa su Festival di Buki 2025. E titulo di e cantica  ta Zap! Zap! Zzziennng! E video ta un produccion di Edward Silberie y Raifer Pion

di e compania Reclight.

   Señor Silberie a duna di conoce cu e video a wordo produci cu colaboracion di Biblioteca y N.V. Elmar. Den e video tin participacion di varios mucha kendenan a duna e video un toke di loke kiermeen aventura na granel. Tambe a involucra Chispito, e mascota di N.V. Elmar den e video pa di un manera hopi creativo conscientisa tur mucha y mayornan di peliger di coriente.

   E muchanan cu ta canta ta (Vocals): Kylie Silberie, Katya Silberie, Itzair Geerman, Annemee Geerman, Carline Correa y Anwizienne Geerman.

   Festival di Buki ta un evento anual cu ta stimula amor pa lectura den mucha y ta sirbi como plataforma pa enseñansa, cultura y creatividad.