ORANJESTAD (AAN): Manera ta conoci, Diasabra anochi a inaugura e “Kerstboom di mas Grandi” di Aruba na altura di e Parada di Bus na San Nicolas.
Pero den otro area, DIARIO a tuma nota cu trabaonan ta worde haci pa embeyece varios rotonde.
Esey ta e caso tambe di e rotonde cu tin na final di Bernhardstraat cu Dr. Schaepmanstraat, pues net banda di Citgo Essoville.
DIARIO a nota cu den fin di siman, algun voluntario tabata preparando wayanan di luz, ta check demas decoracion, pa asina pronto e rotonde chikito aki tambe lo ilumina y manda mensahe di Bon Pasco pa e area, y resto di poblacion.
Sigur un felicitacion na esnan cu ta yuda haci esaki posible.
