Yudando alumnonan di Maria College escoge nan profiel di examen

ORANJESTAD (AAN): Sistema escolar na Aruba a drenta nan ultimo trimester di aña escolar.

   Na Maria College MAVO, e alumnonan di Ciclo Avanza-1 proximamente lo mester escohe nan profiel definitivo cu nan lo bay cune otro aña den examen.
   P’esey un biaha mas, Maria College a invita diferente profesional pa por a bin duna informacion tocante nan profesion, cu por yuda nos alumnonan haci e decision corecto pa nan futuro.
   Masha danki na nos profesionalnan pa nan tempo y experticio.  Esnan cu a duna presentacion tabata e.o. Andrew Steba (Fashion Designer), tambe Liberato Hoek (Servicio di ImSan Ambulance).

   Tambe a ricibi presentacion di Oswald Britten (Technical director Delta Blue), Alvan Oduber (Senior Technician Delta Blue), y Dylan Farro (Big Data Analyst).