ORANJESTAD (AAN): Tabatin varios persona cu siman pasa Diabierna anochi 29 di Juli a gana cu e sorteo di Zodiac, cu tabatin e number 6666 y signo Leo como resultado final.
DIARIO a bin haya sa cu un otro ganador a resulta Yessica, kende a acudi Diahuebs na oficina di Lotto na Playa pa reclama su premio. El a mustra nan su ticket, cu mesora a wordo revisa si el a pone su firma banda patras, incluyendo su number di cuenta di banco.
E computer inmediatamente a indica cu Yessica a gana 25.000 Florin cu e wega di Zodiac.
Mesora a cuminza cu e proceso pa transferi e premio electronicamente pa su cuenta di banco. Yessica a indica cu e ticket ganador el a cumpra na Key Lottery.
Te cu Diahuebs, DIARIO a conta cu 7 diferente persona a gana cu e resultado di 6666 Leo cu Zodiac.
