Yen di amor a celebra Valentine’s Day na Scol Basico Xander Bogaerts

ORANJESTAD (AAN): Riba Diabierna cu a pasa, Scol Basico Xander Bogaerts situa na San Nicolas, a celebra Dia di Amor y Cariño en grande!

   DIARIO a haya sa cu e muchanan, maestronan, team henter a decora klas y borchi. Tambe nan a haya un cariño for di cupido. A resalta hopi creatividad unda cu e amor y cariño a refleha den esaki.

   Ainda nan ta spera cu tur mucha y nan mayornan a pasa un feliz dia di San Valentin y pa sigui duna amor y cariño tur dia y pa semper.

   Ganadornan di e borchi decora ta Klas 2 di Juffrouw Assanti pa onderbouw, y Klas 6A di Juffrouw Nohely pa bovenbouw.  Masha pabien na tur klas.