Yamando tur experto hoben di naturalesa pasobra gran quiz di Naturalesa Bibo ta bek

ORANJESTAD (AAN): E asina yama Dutch Caribbean Nature Alliance (DCNA) ta invita tur scol basico na Aruba, Bonaire, Curaçao, Saba, St. Eustatius y St. Maarten pa participa na e Big Live Nature Quiz, Kids Edition 2025.

   E evento ta tuma luga diabierna dia 7 di november 2025 di 8:30 pa 9:15 di mainta via Zoom. Gran Quiz di Naturalesa Bibo ta un quiz online gratis, diseña di un forma dibertido y interactivo pa trece e studiantenan di tur e seis islanan hunto pa siña tocante naturalesa y celebra naturalesa den un competencia emocionante. E evento tin como meta educa y inspira e hobennan tocante e biodiversidad unico di Caribe Hulandes, mientras cu ta fomenta orguyo den nan herencia natural.

   E quiz ta habri pa alumno di klas 5 y 6 (y segun sistema di scol Hulandes “groep 7 en 8”), e quiz ta conta cu pregunta di escogencia multiple basa riba e ultimo edicion di e revista BioNews Kids, disponibel na Ingles, Hulandes, y Papiamento. E scolnan participante por haya copia imprimi di BioNews Kids prome cu e evento, cual por worde busca na nan organizacion local di maneho di parke.

   E tema di e aña aki ta “Bira un Explorado Bou di Awa.” E studiantenan ta bay sambuya den e habitatnan marino fascinante di Caribe Hulandes, for di rif di coral y prado di yerba di lama te na mangrove, bahia, lagun, costa di santo y di piedra, zona intermareal, y hasta den ocean profundo. E quiz ta siña e muchanan di con e habitatnan aki ta importante, con nan ta conecta, y kico nan por haci pa yuda proteha nan.

   Pa por participa ta necesario pa registra y por haci esaki na:

www.BigLiveNatureQuiz.org. E scolnan por inscribi cuanto team cu nan kier!

   Premio Excitante: E team ganado ta ricibi un biahe di nabegacion y snorkel pa e studiantenan y nan docente, un dia di aventura y celebracion riba nan awanan natal. Cada ganado di e isla lo ricibi premio local dibertido tambe.

   Corda cu Big Live Nature Quiz ta parti di e esfuersonan continuo di DCNA pa haci educacion di naturalesa atractivo y accesibel pa publico hoben den henter e region.