ORANJESTAD (AAN): Departamento di Salud Publico ta haci un invitacion na dunadornan di cuido y empleadonan trahando riba base diario cu pashent pa pasa busca nan 'boostershot'.
Pa e grupo di dunadornan di cuido e 'boostershot' por wordo busca riba diahuebs 2 y diabierna 3 di december na ImSan San- Nicolas pa ser exacto den e edificio unda e ambulancenan ta staciona for di 9or di mainta te cu 3or di atardi 'non stop'.
No ta necesario traha un cita. Pa e grupo aki di dunadornan di cuido lo haci uzo di e sistema "walk-in' teniendo na cuenta e diferente orarionan di trabou.
Ta importante pa e dunado di cuido bin cu su prueba di vacunacion anterior y tambe su carchi di AZV. Si e dunador di cuido tabata positivo pa COVID den e ultimo 6 lunanan cu a pasa e ora e lo no por wordo vacuna, pero mester warda 6 luna despues di a test positivo.
Pa mas informacion por tuma contacto cu DVG.
