Yamada na hende di cas di pueblo Seroe Patrishi pa laga opera pushi y cacho

Na januari venidero AWAA (Animal Welfare Alliance Aruba) lo enfoca riba casnan di pueblo na Seroe Patrishi. AWAA lo yuda famianan di Seroe Patrishi pa steriliza y capa nan pushi- y cachonan den caso cu nan mes no por paga pa steriliza y capa nan bestianan di cas. Na e manera aki AWAA ta yuda pa baha e avalanche sin fin di cacho chikito y

pushi chikito. Tambe AWAA ta aporta na cambia e situacion na Aruba pa bestianan den futuro.

Bo ta biba na cas di pueblo na Seroe Patrishi y bo ta desea ayudo cu steriliza of capa bo cacho of pushi di cas? Por favor manda un e-mail pa This email address is being protected from spambots. You need JavaScript enabled to view it..

Ki informacion nos mester?

• Bo nomber y fam
• Bo adres
• Bo number di telefon
• E cantidad di cacho y pushi cu bo tin na cas
• Si nan ta macho of tefi (si bo por sa)

Bo por pone bo nomber te 31 di December 2022.

Un voluntario di AWAA lo tuma contacto cu bo y pasa wak si por yuda bo y bo bestianan di cas.