ORANJESTAD (AAN): Universidad di Aruba su Research Center ta orguyoso di anuncia cu University of Aruba’s Repository tin mas cu 1.000 publicacion awor!
Tabata na September 2024 cu nan a lansa e repositorio (cu ta como un archivo accesibel), unda por aloca tur documentacion. Esaki a crece rapidamente den e lunanan pasa, danki na e ponemento di mas publicacion di resultado di investigacion di e investigadonan di Universidad di Aruba.
E publicacion number 1.000 tabata di Hannah Meijer, kende a presenta un poster tocante Colaborando riba tareanan publico den di Reino Hulandes durante e Dutch Caribbean Research Week na november 2024.
E board of Trustees di Universidad di Aruba a duna Research Center e tarea di aumenta e visibilidad substancial di e resultadonan di e investigacionnan di e instituto. E repositorio ta un di e maneranan cu nos por ehecuta e mision y demostra e experticio academico di e Universidad.
Ademas, e repositorio ta promove acceso na resumen y traduccion di articulo cientifico, cu ta haci e articulonan cientifico mas facil pa lesa! Algun ehempel ta e investigacionnan tocante trabao social, sostenibilidad (por ehempel plantanan di desalinacion di awa di lama of mata di Aloe) y idioma.
Bishita e repositorio y explora e investigacionnan cu tin na disposicion! Por haye na:
Si bo tin cualkier pregunta of bo kier haya mas informacion, tuma contacto cu Research Center na email di: This email address is being protected from spambots. You need JavaScript enabled to view it. y corda cu bo por abona pa e newsletter mensual di e Research Center pa cualkier update, y bo por haci esey na:
DIARIO a compronde for di esnan di Universidad, cu den e repositorio pronto mas resumen y traduccion ta na caminda.
https://diario.aw/categories/noticia/general/ya-tin-mas-cu-1-000-publicacion-riba-e-repositorio-di-universidad-di-aruba#sigProId8d289e520b
