ORANJESTAD (AAN): Mas di un luna pasa, esta riba Diasabra 15 di Juni 2024,
Colegio San Antonio MAVO na Santa Cruz a tene un Bingo grandi pa recauda fondo, cu a ser teni den Centro Caiquetio na Paradera.
E evento aki tabata pa yuda logra fondo pa asina drecha e infrastructura riba tereno di scol, y bin cu mas espacio di recreo pa e alumnonan.
DIARIO a tuma nota cu siman pasa caba, e placa di Bingo a cuminza wordo usa caba! Probechando di e hecho cu e dianan aki tin Vakantie, trabao di construccion a start riba tereno. Esaki ta pa bin cu mas area di recreo pa e alumnonan. Contratista ta trahando rapido riba esaki, pa asina e keda cla prome cu Aña Escolar nobo cuminsa.
Manera ta conoci, Aña Escolar 2024-2025 lo cuminza riba Dialuna 19 di Augustus 2024.
