Ya caba Colony a manera perde su ‘wow factor’

ORANJESTAD (AAN): Habitantenan di Colony y San Nicolas, ta sclama pa Gobierno di Aruba, hasi algo lihe, pa cu e mahos bistanan aki.

   Si bo djis dal un paseo eyden, bo ta haya un impresion cu e “wow factor” cu semper Colony tabata dispone di dje, a cambia y mas bien awor a bira un “ugh factor”.

   Asina cu bo cuminza laga mantenimento di un cas bay atras, bo por spera cu hopi proceso lo cuminza tuma lugar.  Animalnan manera raton y djaca ta haya forma mas facil pa drenta, y ta sigui causa mas destruccion.  Parhanan tambe ta drenta y ta sigui yuda e lugar deteriora.

   Y ta parce cu esaki ta pasando cu varios cas aworaki na e parti mas pariba di e isla, principalmente casnan cu ta indica visiblemente cu nan no tin hende ta bibando den nan e momento aki.

   Kico pa haci? Sea ta bende, regala of basha abao, pero mester drecha Colony y trece un bista mas bunita pa e bario y specialmente pa por elimina e cara di sorpresa (‘surprised face’) di e turistanan ora di pasa eyden.