ORANJESTAD (AAN): E siman aki a sali na cla, cu ya caba entrada di Aruba Caiso & Soca Monarch su Soca Prefinals ta disponibel.
Corda cu e prefinalnan di Soca lo bay ta Diaranson 11 November 2026, y tambe Diahuebs 12 November 2026.
Mientras cu Stichting Musica ta den pleno preparacion y den e fase di registracion di artista pa e festival y competencia musical mas grandi di Aruba, ya e entradanan pa ACSM27 Soca Prefinals a bira disponibel via Pay.aw. E organisacion a ricibi varios pregunta di publico y media tocante carchi y kier informa cu tin e siguiente opcionnan disponibel: (*) Entrada pa un solo anochi ta 25 Florin. (*) Pakete special pa tur dos anochi ta 40 Florin.
Tuma nota cu e pakete di 2 anochi lo ta disponibel solamente via e plataforma di Pay.aw. Carchinan lo ta obtenibel
tambe na porta di Centro di Bario Brazil, cual lo habri 7 pm riba tur dos anochi. Esnan cu cumpra e pakete, lo ricibi nan QR code pa e prome anochi di biaha. Anto riba 12 di November, nan lo ricibi e code pa e di dos anochi di e festival automaticamente via e app.
Stichting Musica ta recorda tur Band Leaders y Artista cu ta interesa pa participa na ACSM27 Soca Prefinals, cu nan por registra te cu dia 29 di oktober 2026. Pa informacion y e Registration Links, manda un e-mail na This email address is being protected from spambots. You need JavaScript enabled to view it..
E motibo cu ta hopi trempan e biaha aki, pasobra Parada Grandi di Carnaval tambe lo ta hopi trempan otro aña, esta dia 8 di Februari 2027.
