ORANJESTAD (AAN): E tin su numbernan vast ta cumpra pa sorteo di Zodiac, y e ta keda fiel cu nan.
Y recien Xiomara a bira contento pa mira cu su numbernan a sali!
Pesey riba Diaranson el a acudi na oficina di Lotto na Playa pa reclama su premio. Aki e funcionarionan a revisa su ticket, pa check si el a pone su firma y numbernan di banco riba dje.
Ora di scan e barcode, e computer a confirma cu Xiomara a gana 12.500 Florin cu e sorteo di Zodiac Merdia. Mesora a start e proceso pa transferi e premio electronicamente pa su cuenta di banco. Xiomara a cumpra e ticket ganador na All in One Lucky Taurus Lottery.
